Адыгеим и ЛIышъхьэ Урысыем мэкъу-мэщымкIэ иминистрэ иапэрэ гуадзэ IукIагъ Адыгеим и ЛIышъхьэ Урысыем мэкъу-мэщымкIэ иминистрэ иапэрэ гуадзэ IукIагъ

Адыгеим и ЛIышъхьэу КъумпIыл Муратрэ Урысыем мэкъу-мэщымкIэ иминистрэ иапэрэ гуадзэу Хьатыу Джамболэтрэ Москва зыщызэIокIэхэм хыныгъом кIэухэу фэхъугъэхэм, 2017-рэ илъэсым лэжьыгъэу къахьыжьыгъэм ыуасэ зыфэдизым, къэралыгъор агропромышленнэ комплексым IэпыIэгъу зэрэфэхъурэ программэхэм Адыгеир зэрахэлажьэрэм атегущыIагъэх.

Адыгеим и ЛIышъхьэ къэралыгъо программэхэр республикэм зэрэщагъэцакIэхэрэр, федеральнэ программэу «2014 — 2017-рэ илъэсхэм, 2020-рэ илъэсым нэс къуаджэхэм зыпкъ итэу хэхъоныгъэ ягъэшIыгъэныр» зыфиIорэм къыдыхэлъытагъэу инфраструктурэ, социальнэ псэуалъэхэр зэрагъэпсыхэрэр къыIотагъ.

Агропромышленнэ секторым хэхъоныгъэ егъэшIыгъэным фытегъэпсыхьэгъэ федеральнэ мылъкур шIуагъэ къытэу республикэм зэрэщагъэфедэрэр, мэкъу-мэщым зыпкъ итэу хэхъоныгъэ зэришIырэр Хьатыу Джамболэт хигъэунэфыкIыгъэх.

Адыгэ Республикэм и ЛIышъхьэ ипресс-къулыкъу