Новости / Экономика / 29 январь 2019

ПроектыкIэхэр агъэцэкIэщтых ПроектыкIэхэр агъэцэкIэщтых

Дунэе экономическэ форумэу Петербург щыкIорэм Адыгэ Республикэм и ЛIышъхьэ ипшъэрылъхэр пIэлъэ гъэнэфагъэкIэ зыгъэцэкIэрэ КъумпIыл Муратрэ АНО-у «Агентство стратегических инициатив» зыфиIорэм игенеральнэ директорэу Светлана Чупшевамрэ Адыгэ Республикэмрэ АСИ-мрэ азыфагу илъыщт зэдэлэжьэныгъэм фэгъэхьыгъэ зэзэгъыныгъэм щызэдыкIэтхагъэх.


ПроектыкIэхэр агъэцэкIэщтых ПроектыкIэхэр агъэцэкIэщтых
КъумпIыл Мурат къызэрэхигъэщыгъэмкIэ, Агентствэм ипроектхэр гъэцэкIэгъэнхэмкIэ республикэм IофшIэн гъэнэфагъэ щэкIо: бизнесымкIэ административнэ пэрыохъуныгъэхэр щымыIэнхэм, инвесторхэм IэпыIэгъу ятыгъэным, джащ фэдэу бизнесым пылъхэм амал дэгъухэр ягъэгъотыгъэнхэм апае нэмыкI шъолъырхэм опытышIоу яIэ хъугъэр Адыгеим щагъэфедэ.

«ТапэкIи а IофшIэныр лъыдгъэкIотэн фае. Пшъэрылъэу щытыр бизнес Iофыр Адыгеим тэрэзэу щыгъэцэкIэгъэным предпринимателым ифедэ хэлъыныр, ащ нахь фэгъэчэфыгъэныр ары. Джащ пае тапэкIи Агентствэм шIуагъэ хэлъэу тыдэлэжьэн, проектхэр пхырыщыгъэнхэм чанэу тыхэлэжьэн мурад тиI. АСИ-р тиIэпыIэгъоу инвестициехэр нахь игъэкIотыгъэу Iофыгъо зэфэшъхьафхэмкIэ къызфэдгъэфедэнхэ фае», — къыIуагъ Адыгеим и ЛIышъхьэ ипшъэрылъхэр пIэлъэ гъэнэфагъэкIэ зыгъэцакIэрэм.

Стратегическэ инициативэхэмкIэ Агентствэм игенеральнэ директор къыIуагъ Адыгеим инвестициехэмкIэ ыкIи предпринимательствэмкIэ иIофхэм язытет нахьышIу хъуным пае республикэм ипащэхэм чанэу адэлэжьэным зэрэфэхьазырыр.

Светлана Чупшевам къызэриIуагъэмкIэ, республикэм ихэбзэ къулыкъухэм Iофышхо агъэцэкIагъ. Ар къеушыхьаты инвестициехэмкIэ рейтингэу зэхащагъэм чIыпIэ дэгъу зэрэщиубытыгъэм, къэралыгъо Iофхэм язехьанкIэ бизнес-сообществэми осэшIу къызэрэритыгъэм. «Тэ пшъэрылъэу тиIэр дунэе ыкIи шъолъыр мэхьанэ зиIэ анахь лъэныкъо дэгъухэу къызфэбгъэфедэн плъэкIыщтхэр къыхэтхынхэр ары. Джащ пае Петербург щыкIорэ дунэе экономическэ форумым тегъэпсыхьагъэу шъолъыр зэфэшъхьафхэм ялIыкIохэм АСИ-р зэзэгъыныгъэхэм адыкIатхэ. Тигуапэ лъэхъэнэ зэфэшъхьафхэм чIыпIэхэм анахьышIоу къащыхахыгъэхэр республикэм щигъэфедэным Адыгеир зэрэфэхьазырыр. Инвестициехэр къызфэгъэфедэгъэнхэмкIэ зэшIохыкIэ амал дэгъухэр къэжъугъотынхэу сэгугъэ», — къыхигъэщыгъ Светлана Чупшевам.

Зэзэгъыныгъэу зэдашIыгъэм тегъэпсыхьагъэу лъэпкъ предприниматель инициативэм диштэу Адыгеим щызэрахьащт IофтхьабзэхэмкIэ мониторинг зэхащэщт, Урысые Федерацием ишъолъырхэм инвестициехэмкIэ яIофхэм язытет къэзыгъэнэфэщт рейтингми фэхьазырых. АСИ-м джащ фэдэу социальнэ проектхэр пхырыщыгъэнхэмкIэ, сэнэхьат гъэсэныгъэм иинститутхэм хэхъоныгъэ ашIынымкIэ, предпринимательствэ цIыкIумрэ гурытымрэ ялIыкIохэм проектхэм япхыгъэ зэнэкъокъухэр зэхащэнхэмкIэ Адыгеим IэпыIэгъу къыритыщт.

Адыгэ Республикэм и ЛIышъхьэ ипресс-къулыкъу

Сурэтыр А. Гусевым тырихыгъ.



Источник: Газета Адыгэ Макъ
Комментарии к новости
Добавить комментарий
Добавить свой комментарий:
Ваше Имя:
Ваш E-Mail:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Это код:
Кликните на изображение чтобы обновить код, если он неразборчив
Введите сюда:
Экономика Происшествия

«    Октябрь 2019    »
ПнВтСрЧтПтСбВс
 123456
78910111213
14151617181920
21222324252627
28293031 
x