«Зэкъошныгъэм» имафэхэр «Зэкъошныгъэм» имафэхэр

Мыекъопэ «Зэкъошныгъэм» илъэс ешIэгъум зыфегъэхьазыры. Мы мафэхэм ныбджэгъу зэIукIэгъухэр Крымскэ, Краснодар ащыриIагъэх.
Командэу «Сыбыр» зыфиIорэр 1:0-у «Зэкъошныгъэм» къытекIуагъ.

ЯтIонэрэ зэIукIэгъур

Краснодар футболымкIэ иакадемие икомандэрэ «Зэкъошны­гъэмрэ» Краснодар щызэIукIа­гъэх, тиешIакIохэр 4:0-у текIуагъэх.

«Зэкъошныгъ»: Гиголаев (Ковалев, 46), Серов, Кравчук, Катаев (Юрченко, 65), Хьагъур (Кирьян, 46), Белов (Делэкъу, 46), Ахмедханов, Ещенко (Дыхъу, 46), Къонэ (Iащэ, 46), Крылов (Кадиимов, 46), Мамонов (Мартынович, 55).

Къэлапчъэм Iэгуаор дэзыдзагъэхэр: Ахмедханов, Кадимов, Делэкъу, Iащэ.

— Къэлапчъэм Iэгуаор бэрэ дэдзэгъэныр тиешIакIохэм япшъэ­рылъ шъхьаIэу щыт.

Ащ дакIоу, ухъумэн Iофыгъохэр дэгъоу агъэ­цэкIэнхэ фае, — къытиIуагъ «Зэкъошныгъэм» итренер шъхьа­Iэу, Адыгэ Республикэм изаслуженнэ тренерэу Ешыгоо Сэфэрбый. – ЗэкIэ ешIакIохэм яшъыпкъэу Iоф зыдашIэжьы, хэгъэгу зэнэкъокъум тыфэхьазырэу тыпэгъокIыщт.

ЕмтIылъ Нурбый.