ЩыкIагъэхэр дагъэзыжьыгъэх

Зипсауныгъэ пыч фэхъугъэ цIыфхэр къэлэ щыIакIэм хэ­гъэгъозэгъэнхэмкIэ яфитыныгъэхэр къызэраухъумэхэрэм фэгъэхьыгъэ уплъэкIунхэр къэлэ прокуратурэм зэхи­щэ­хэ­зэ, Мыекъуапэ иурамэу МОПРам сэкъатныгъэ ­зиIэ­хэм апае хэушъхьафыкIыгъэ тамыгъэу щагъэуцугъэр ауплъэкIугъ. ЗэрагъэунэфыгъэмкIэ, «Муниципальнэ образо­ваниеу «Къалэу Мыекъуа­пэ» зэтегъэпсыхьэгъэныр» зыфиIорэм муниципальнэ зэзэгъыныгъэу дашIыгъэм къыхэкIыкIэ Мые­къуапэ иурамэу МОПРам иавтомобиль гъогу гъэ-цэ­кIэжьынхэр рашIылIа­гъэх. Мы Iофтхьабзэхэм къадыхэлъытагъэу гъогум ас­фальт тыралъхьагъ ыкIи хэушъхьафыкIыгъэ тамыгъэхэр тырагъэуцуагъэх. Арэу щытми, хабзэм къыгъэнэфэрэ шапхъэм димыштэу тамыгъэхэр агъэуцугъэхэу хэукъоныгъэхэр къыхагъэщыгъэх. Ащ къыхэкIэу зипсауныгъэ пыч фэхъугъэ цIыф-
хэм дэо тхылъкIэ къэлэ прокуратурэм зыфагъэ­загъ. УплъэкIунхэм къакIэ­лъыкIоу лажьэ зиIэм дисиплинарнэ пшъэдэкIыжь тыралъхьагъ, шапхъэм ди­штэу хэушъхьафыкIыгъэ тамыгъэхэр агъэуцу­жьыгъэх.

Источник: Газета Адыгэ Макъ