Сакъыныгъэ къызхэжъугъаф

Сакъыныгъэ къызхэжъугъаф
Новости
admin
Фото: Адыги.RU
09:27, 13 февраль 2019
425
0
БзэджашIэхэм телефон номер зэфэшъхьафхэр къызфа­гъэфедэзэ, цIыфым имылъку арест зэрэтыралъхьагъэр зэрытхэгъэ «смс-р» Адыгэ Республикэм щыпсэухэрэм афагъэхьэу аублагъ. БзэджашIэхэм телефон номер зэфэшъхьафхэр къызфа­гъэфедэзэ, цIыфым имылъку арест зэрэтыралъхьагъэр зэрытхэгъэ «смс-р» Адыгэ Республикэм щыпсэухэрэм афагъэхьэу аублагъ.
БзэджашIэхэм телефон номер зэфэшъхьафхэр къызфа­гъэфедэзэ, цIыфым имылъку арест зэрэтыралъхьагъэр зэрытхэгъэ «смс-р» Адыгэ Республикэм щыпсэухэрэм афагъэхьэу аублагъ.
Сакъыныгъэ къызхэжъугъаф
Къэбарэу къафатхырэм «ФССП» ыIоу арыт. Арышъ, зымышIэрэ цIыфыр ащ хигъэукъон ылъэ­кIыщт. Хьыкум приставхэм я Федеральнэ къулыкъу и ГъэIорышIапIэу Адыгеим щыIэм шъущегъэгъуазэ: шъуимылъку арест зэрэтыралъхьагъэм, шъуисчет ахъщэ зэрэрахыгъэм афэгъэхьыгъэ «смс» къышъу­IукIагъэмэ, нэужым узэ­рэзекIон фэе къэбар ащ итхагъэмэ шъуеплъ. Къы­шъуфэтхагъэм ыIорэр зы­жъугъэцакIэкIэ гумэкIыгъо шъухэфэн, шъуикарточкэ илъ ахъщэр рахын алъэкIыщт. Хьыкум приставхэм яIофшIэн мы къэ­барыр зыкIи епхыгъэп. Хьыкум приставхэм шъо къышъопхыгъэу Iоф къызэIуахыгъэу щытмэ, шъузщыпсэурэ чIыпIэм елъытыгъэу, ГъэIорышIапIэм иотделхэм зафэ­жъугъэзэн, шъуищыкIэгъэ къэбарыр зэжъугъэшIэн амал шъуиI. Ащ пае интернет-сайтэу «htt://www. R0I.fssprus.ru» зыфиIорэм шъуихьан шъулъэкIыщт. Джащ фэдэу мобильнэ пкъыгъохэм афытегъэ­псыхьэгъэ приложениеу «ФССП-м» е сервисэу «Банк данных исполнительных производств» зы­фиIорэм яамалхэри къызфэжъугъэфедэнхэ шъу­лъэкIыщт. ЦIыфым чIыфэу телъым­кIэ системэм къэбар игъэ­кIотыгъэ къышъуи­тыщт: чIы­фэ зытелъым ыцIэ-ылъэкъуацIэ, документым иномерыр, чIыфэр зыфэдизыр, Iофыр зэхэзыфырэ хьыкум пристав­хэм ячIыпIэ отдел зыдэщытыр, хьыкум пристав-­гъэцэкIакIом ыцI, ылъэ­къуацI. Арышъ, мыщ фэдэ «смс» къызышъуIукIэкIэ, сакъыныгъэ къызхэжъу­гъаф, шъумышъхьахэу къэбарыр шъууплъэкIу, хьы­кум приставхэм за­фэжъугъаз. Армырмэ, бзэ­джашIэхэм шъуагъэделэн алъэкIыщт.

Источник: Газета Адыгэ Макъ
Ctrl
Enter
Заметили ошЫбку
Выделите текст и нажмите Ctrl+Enter
Обсудить (0)