Адыгеим иэкономикэ ихэхъоныгъэ иIофыгъохэм атегущыIагъэх Адыгеим иэкономикэ ихэхъоныгъэ иIофыгъохэм атегущыIагъэх
Патрушевым зэIукIэгъу дыриIагъ.
Лъэныкъохэр зытегущыIагъэхэр республикэм иэкономикэ ихэхъоныгъэ епхыгъэ Iофыгъохэр, мэкъумэщ-къыдэгъэкIыжьын лъэныкъомкIэ инвестиционнэ проектыкIэхэр гъэцэкIагъэ зэрэщыхъущтхэр, предпринимательствэ цIыкIум IэпыIэгъоу ратыщтыр ыкIи цIыфхэм банк фэIо-фашIэхэр нахь псынкIэу афызэшIохыгъэнхэр арых.
ЗэIукIэгъум зэрэщыхагъэунэфыкIыгъэмкIэ, Россельхозбанкыр мэкъумэщ-къыдэгъэкIыжьын комплексым ыкIи республикэм иэкономикэ инэмыкI лъэныкъо пэрытхэм ячIыфэт шъхьаIэу щыт. Банкым иIэпыIэгъу хэлъэу Адыгеим имэкъумэщ хъызмэтшIэпIэ инхэм хэхъоныгъэ ашIы, джащ фэдэу фермер хъызмэтшIапIэхэми нахь заушъомбгъу — илъэсэу икIыгъэм республикэм иагробизнес чIыфэу сомэ миллиарди 4 фэдиз IэкIигъэхьагъ. Россельхозбанкым республикэм щызэшIуахырэ IофшIэнхэм апэIуагъэхьэрэ мылъкум ипроценти 100 фэдиз еубыты.
Россельхозбанкым икъутамэ республикэм Iоф зыщишIэрэ уахътэм къыкIоцI Адыгеим иэкономикэ сомэ миллиард 37,4-рэ IэпыIэгъоу ритыгъ, ащ щыщэу сомэ миллиард 34-р Адыгеим имэкъумэщ-къыдэгъэкIыжьын лъэныкъо ихэхъоныгъэ хилъхьагъ.
Адыгэ Республикэм и ЛIышъхьэ ипресс-къулыкъу
Источник: Газета Адыгэ Макъ
